Search
  • Vinir Reykjadals

Vinir Reykjadals ný stuðningssveit Reykjadals

Updated: Mar 31

Vinir Reykjadals er hópur stuðningaðila sem styrkja starfsemi sumarbúðanna í Reykjadal með mánaðarlegu framlagi.


Vinir Reykjadals er traust bakvarðasveit sem gerir okkur kleift að gefa gestum okkar tækifæri til þess að rækta vináttu og upplifa ævintýri í öruggu og nærandi umhverfi í Mosfellsdalnum. Á hverju ári koma um 250 börn og ungmenni á aldrinum 8-21 árs í Reykjadal og eignast minningar um ógleymanlega dvöl. Við höfum það að leiðarljósi að ekkert er ómögulegt og í Reykjadal er fötlun ekki hindrun. Markmið okkar er efla starfið enn frekar svo við getum boðið öllum börnum sem þess óska að dvelja hjá okkur. Mörg börn þurfa að bíða lengi eftir að komast að í Reykjadal því biðlistinn er langur og draumur okkar er að útrýma honum.


Stuðningur Vina Reykjadals er dýrmætur. Hann gerir það að verkum að við getum við byggt starfið, aðbúnað og aðstöðu upp til lengri tíma og tryggt að þau börn og ungmenni sem hjá okkur dvelja geti notið sín á eigin forsendum, skemmt sér í góðra vina hópi og tekið með sér dýrmætar minningar um ævintýralega dvöl.


Takk fyrir traustið og takk fyrir að vera vinur okkar!

18 views

© 2020 Styrktarfélag lamaðra og fatlaðra. Hýst af Wix.comTerms of Use  |   Privacy Policy